ეს ფაფა ხელს უწყობს მოუნელებელი საკვების ნარჩენების, უცხო ბაქტერიების,მოკლედ,ყველაფრის მოცილებას, რაც ნაწლავებში ზედმეტია,ამავდროულად კურნავს ნაწლავის კედლებს.
დღეს ბევრს მოისმენთ ხალხური საშუალებებით ნაწლავების გაწმენდაზე და იმაზე, თუ როგორ უნდა მოხდეს ეს. და ჩვენ ხშირად ვხვდებით ძალიან რთულ გზებს ამის გასაკეთებლად.
ვფიქრობ, აზრი არ აქვს მათ ჩამოთვლას, რადგან მიმაჩნია, რომ ისინი მთლად მისაღები არ არის ჩვეულებრივი ადამიანისთვის. ჩემი აზრით, ორგანიზმის გაწმენდა შესაძლებელია იმ საკვებით, რომელსაც ჩვენ ვჭამთ. ეს რეცეპტი ბავშვობიდან ვიცოდი.
მოსამზადებლად აიღეთ ნახევარი ჭიქა ბრინჯი და შვრია თანაბარ ნაწილად, გარეცხეთ და მოხარშეთ შესქელებამდე. ერთი ჭიქა ამ მარცვლეულის ნარევს ვასხამ 2,5 ჭიქა წყალს.ეს ფაფა ზეთის გარეშე უნდა მიირთვათ, მაგრამ შეგიძლიათ გემოვნებით მოაყაროთ მარილი, მიირთვათ საუზმეზე და ვახშამზე, რამდენიმე დღის განმავლობაში.
ეს ფაფა ხელს უწყობს მოუნელებელი საკვების ნარჩენების, უცხო ბაქტერიების,მოკლედ,ყველაფრის მოცილებას, რაც ნაწლავებში ზედმეტია,ამავდროულად კურნავს ნაწლავის კედლებს. თუ ხანდახან მაინც მიირთმევთ ამ ფაფით საუზმესა და სადილს, სასარგებლო იქნება. განსაკუთრებით გირჩევთ ამ ფაფის მირთმევას ქეიფის შემდეგ უხვად, ერთმანეთთან სრულიად შეუთავსებელი საჭმელების მირების დროს.
რატომ არის შვრია სასარგებლო და რომელი ფორმით სჯობს მისი მიღება ბავშვისათვის
შვრია მარცვლოვანი კულტურაა კეთილხმოვანი ლათინური დასახელებით - ავენა, მისი რამდენიმე სახეობა არსებობს. ამ მარცვლეულის კულტივირება დაახლოებით 3000 წლის წინ მოხდა, თუმცა თავიდანვე როდი სწყალობდნენ მას.
ძველი რომაელები მიიჩნევდნენ, რომ შვრია ხორბლის დაზიანებული, დაავადებული სახეცვლილება იყო და ცხენების საკვებად იყენებდნენ. მხოლოდ მრავალი წლის შემდეგ აღმოაჩინეს მისი სასარგებლო თვისებები და მას შემდეგ შვრიისაგან მომზადებულმა კერძებმა ყველა ასაკის ადამიანისათვის დაიმკვიდრა ადგილი საუზმის სუფრაზე.
რატომ არის სასარგებლო შვრია?
შეიცავს სპეციფიურ ანტიოქსიდანტებს - ავენანთრამიდებს, რომლებიც იცავენ უჯრედების მემბრანებს დაზიანებისაგან, აქვთ სიმსივნის და ანთების საწინააღმდეგო მოქმედება, აძლიერებენ იმუნიტეტს.
ავენანთრამიდებს კიდევ ერთი განსაკუთრებული თვისება აქვთ - ხელს უწყობენ ორგანიზმში აზოტის ოქსიდის პროდუცირებას, რაც აფართოებს სისხლძარღვებს და ამ გზით არტერიული წნევის ნორმალიზებას უწყობს ხელს.
დადგენილია, რომ შვრია შეიცვას ბეტა-გლუკანს, რაც დაბალი სიმკვრივის ლიპოპროტეიდების (ე.წ. ცუდი ქოლესტერინი) დონეს აქვეითებს.
აქვეითებს შაქრის დონე ს სისხლში და ნაჩვენებია დიაბეტით დაავადებულთათვის
შეიცავს დიდი რაოდენობით საკვებ ბოჭკოებს, რის გამოც ხელს უწყობს მეგობარი ბაქტერიების ზრდას ნაწლავში, იწვევს ნაწლავთა პერსიტალტიკის (მოძრაობის) გაძლიერებას და შველის ნაწლავთა შეკრულობას.
შვრია შეიცავს დიდი რაოდენობით ფოსფორს, რაც აუცილებელია ძვლოვნი სისტემის ფორმირებისათის.
შვრიისაგან მომზადებული ფაფა ლორწოვანია და კარგად ამოფენს კუჭის ლორწოვან გარსს, აქვს ანთების საწინააღდმეგო მოქმედება, ამიტომ კარგი საკვებია კუჭის ლორწოვანი გარსის ანთებითი და წყლულოვანი დაავადებების დროს.
შედარებით ნაკლები კალორიის ფონზე შეიცავს პროტეინებს და სხვა სასარგებლო საკვებ ნივთიერებებს, რაც მას საუკეთესო საუზმედ აქცევს წონის დასაკლები დიეტების დროს .
მდიდარია ბიოტინით და ბ ჯგუფის სხვა ვიტამინებით, შეიცავს E, PP ვიტამინებს, კალიუმს, მაგნიუმს, რკინას, თუთიას, ნატრიუმს.
განსხვავებით სხვა მარცვლოვანებისაგან, შეიცავს მცენარეულ ცხიმს უფრო დიდი კონცენტრაციით (6,2%), უფრო მეტ ფოსფორს და მაგნიუმს, რაც ადვილად აითვისება.
