არ ჩადოთ კვერცხები მაცივრის კარში! წაიკითხეთ მიზეზი
მიუხედავად იმისა, რომ მაცივრის კარი კვერცხის შესანახად ყველაზე პოპულარული ადგილია, ექსპერტები ამბობენ, რომ ეს საუკეთესო ვარიანტი არ არის.
მაცივრის კარში არასოდეს არის სტაბილური დაბალი ტემპერატურა, რაც აუცილებელია საკვების ხანგრძლივი შენახვისთვის. მაცივრის კარები ხშირად იხსნება, რის გამოც მასზე ტემპერატურა რეგულარულად იცვლება. ეს გამოიწვევს კვერცხების ადრეულ გაფუჭებას,ამბობენ ექსპერტები.
შემდგომი მოწამვლის რისკი, მაგალითად, სალმონელით, დამოკიდებულია შენახვის პირობებზე, შემდეგ კი წარმოების ტექნოლოგიაზე. თუმცა, იგივე სალმონელა მაცივარში არ მრავლდება, მაგრამ არც კვდება.
მაცივარში კვერცხის შესანახად იდეალური ადგილია თარო, სასურველია უკანა კედელზე.
ექსპერტები ასევე გვირჩევენ კვერცხის მაცივარში შედგომამდე გარეცხვას. ეს განპირობებულია იმით, რომ სალმონელა კვერცხის შიგნით კი არ გვხვდება, არამედ კვერცხის ნაჭუჭის გარეთ. თუ კვერცხი დიდხანს ინახება გაურეცხავად, მაშინ ბაქტერიები შეაღწევენ კვერცხის შიგნით ნაჭუჭის ფოროვანი სტრუქტურის მეშვეობით. თავად სალმონელა კვერცხზე ხვდება ფრინველის კანიდან - სწორედ კანში შეიძლება გამრავლდეს ბევრი ბაქტერია, საიდანაც შემდგომში კვერცხი დაავადდება. უფრო მეტიც, თუ კვერცხზე სალმონელა აღმოჩნდება, შესაძლებელია დაავადება მაცივარში არსებულ სხვა საკვებზეც კი გავრცელდეს.
მაღაზიაში ნაყიდი კვერცხის შესამოწმებლად ჩადეთ წყალში და დააკვირდით. ფსკერზე თუ დაეშვება და გვერდზე წევს, მაშინ ახალია. თუ ის ძირს დაეშვება, მაგრამ "დგას", მაშინ მისი ვარგისიანობის ვადა ამოიწურება. ხოლო თუ კვერცხი არ ჩაიძირება და წყალზე ცურავს, გადააგდეთ, გაფუჭებულია.
1. კვერცხი ამაღლებს იმუნურ სისტემას.
დღეში ერთ-ორ კვერცხს შეუძლია დახმარება აღმოგიჩინოთ სხვადასხვა სახის ინფექციებთან ბრძოლაში, რადგან მის შემადგენლობაში დიდი რაოდენობით არის სელენი – უმნიშვნელოვანესი მიკროელემენტი ჩვენი იმუნური სისტემისთვის.
2. კვერცხი ამცირებს სტრესს და ნერვიულობას.
კვერცხი შეიცავს შეუცვლელ ამინომჟავეებს, რომლებიც დადებითად მოქმედებენ ადამიანის ფსიქიკურ მდგომარეობაზე, ის ხელს უწყობს სერატონინის გამომუშავებას, რომელიც ადამიანის მოდუნებაზე, სიმშვიდეზე და კარგ ხასიათზე ყოფნის პასუხისმგებელი ნეირომედიატორია. გარდა ამისა, მასზე არის დამოკიდებული ის, თუ რამდენად სწორედ აღიქვამს ჩვენი ტვინი ორგანიზმის მდგომარეობას და მის გარეთ განვითარებულ მოვლენებს.
